Friday, March 28, 2008

Kreppa!

Já kreppan er lennt, svo ekki sé meira sagt. Stýrivextir hækka og Frosti Ólafsson hagfræðingur Viðskiptaráðs reynir að róa landann en ekkert dugar. Húsnæðisverð lækkar og bankar loka fyrir útlán. En þetta eru smámunir, það sem er verst í þessu er að fartölvan mín krassaði í vikunni og því hef ég ekki geta sett inn myndir og stuttar sögur frá Berlín. Eins hef ég ekki getað bloggað um páskanna í Hálsaþingi og fyrstu fótboltaæfinguna hjá Andra Degi og Grím Loga. Menn í Smáranum ljómuðu allir þegar að þeir sáu nýjann arftaka Eldsins/Flame ganga hnarrreistann inn hjarta Breiðabliks. Ég fæ vonandi yfirdrátt eftir helgi svo að ég geti borgað fyrir viðgerðina á fartölvunni. Eitt er víst að ég býst ekki við launaseðli svo mikið hefur gengið fallið. Geri ráð fyrir að þetta verði eins og þegar að ég vann í 10-11 með skóla. Þá fékk ég ekki launaseðla heldur gíróseðla um hver mánaðarmót. Ég skrifaði og skrifaði júmbó og sómasamlokur á mig og vinahópinn og ég man að kjötlokurnar vou vinsælastar enda voru þær dýrastar. Þessi vinakaup virðast hafa virkað því ég fæ ennþá að hanga með flestum af þeim sem fengu samlokur. Vona að ég fái tölvunna sem fyrst svo þú fáir nú að sjá þessar ótrúlegu myndir sem festar hafa verið á minniskort. Þangað til þá vona ég svo sannarlega að þú hafir það sem allra best.

3 Comments:

Anonymous Anonymous said...

Hahahaha... Mér finnst þú fyndinn.

En ég vona að þú fáir yfirdrátt svo við getum séð myndir frá fótboltaæfingu. Ég heyrði reyndar að Grímur væri meiri handboltakappi og í því að kasta á meðan Andri Dagur rekti bolta eins og enginn væri morgundagurinn.

Sakn Sakn

11:54 am  
Blogger Stjáni said...

Já ég veit að ég er fyndinn!

Ég er reyndar í sambandi við handrukkara sem getur alveg lánað mér 250.000.kr. Ég þarf reyndar að borga til baka 450.000.kr en hvað getur maður gert þegar að bankarnir segja nei?

Já ég vil nú frekar meina að Grímur hafi verið að æfa sig í markinu enda er hann með markmannsgenin frá eldri Loganum.

Það var markmið innan fjölskyldunnar að Andri Dagur myndi byrja að rekja bolta um 14.mánaða aldurinn og það tókst. Ef að fram fer sem horfir þá verður hann farinn að halda á lofti um 2.ára aldurinn og kominn á samning í ensku úrvalsdeildinni 9.ára.

3:34 pm  
Anonymous Anonymous said...

Þessi mynd bjargaði deginum mínum!! spurning um að skrá sig hjá eskimo módels..fengir auka pening þar í kreppunni..

12:31 pm  

Post a Comment

Subscribe to Post Comments [Atom]

<< Home