Andri Dagur 1.árs!

Þegar þetta er skrifað þá eru 364 dagar og 23 tímar síðan Andri Dagur fæddist. Hann kom í heiminn fimtudaginn 7.des klukkan 17:47 eftir mikil átök. Árið 2007 er búið að vera mitt besta ár síðan ég kom í þennan heim og þar spilar Andri Dagur langstærsta hlutverkið. Það er mannbætandi að eignast barn og breytir manni mikið. Það besta er að Andri verður bara skemmtilegri og skemmtilegri og sætari og sætari. En það sem er enn betra er að hann smitar út frá sér og Sigrún virðist hafa fengið þetta frá honum oghún verður bara sætari og skemmtilegri. Þó að það megi nú alltaf deila um það hvort að ég fylgi þeim í þessari ,,veiki" . Ég geri mér grein fyrir því að þessi færsla er með allt of miklum sykri, þeyttum rjóma og jarðaberi á toppnum. En það er allt í lagi að vera meir af og til. Svona hefur strákurinn þróast á sínu fyrsta ári...